अपणा बीकानेर न्यूज़ डेस्क, 14 अप्रैल 2025
बीकानेर म्हं गर्मी रा तेवर दिन-ब-दिन तेज होवता जावै। तेज लू आ धूप रो मारो ए सड़का सूनी पड़गी, बाजार भी वीरान लागण लाग्या।
बाजारां मं सन्नाटो, धंधा मंदो
गर्मी री मार ऐती है कि अब लोग जरूरी काम खातर ही बहार निकरै। भीड़-भाड़ वाला कोटगेट आ जूनागढ़ साइड रो इलाको भी खाली-खाली दिख रह्यो। दुकानदारा कहवां कि दोपहर नै धंधो बिलकुल ठप्प पड़ जावै।
अस्पताल मं लू रा मरीज बढ़्या
पीबीएम अस्पताल मं लू आ गर्मी सूं ग्रसित मरीजां रो तांता लाग गयो। मेडिसिन विभाग रा सीनियर प्रोफेसर डॉ. परमेंद्र सिरोही कहवां कि मौसमी बीमारियां खातर अलग वार्ड बनायो गयो है, जिकरां मं 10 बेड आरक्षित रख्या गया है।
जूस आ ठंडा पिण्या री धूम
गर्मी सूं बचण खातर शहरवासी अब जूस सैंटर, गन्ना रस आ ठंडी ड्रिंकां रो सहारो लै रह्या। छांव मं बैठके थंडो पिवण वालां री भीड़ देखण लायक होवै।
सरकारी सलाह: सावधानी राखो
स्वास्थ्य विभाग थांने सलाह दे रह्यो है कि दोपहर रा टैम बहार मत निकरो। पानी ढेर पियो, ढीला आ हलको कपड़ो पहरो, आ खासकर बुजुर्ग आ बालकां रो ध्यान राखो।
बीकानेर रो ताप अब रोजमर्रा री जिंदगी नै असर कर रह्यो है। “अपणा बीकानेर” वाळा थांने विनती करै है – मौसम नै हलके मं मत लेवो, सुरक्षित रहो आ सेहत रो ख्याल राखो।
